Шлях Мухамада
P-000001072
18 в.
01, 200, 001 л. (л. 1b–2b, 200b, 001а пустыя) ; 20,5х12,7 см ; 19 радкоў на старонцы.
Дата напісання твора: “ноч на сераду 17 ша‘абана 980” (2 студзеня 1573 г.). Дата перапіскі: не пазней за 1774–1775 гг. (вызначана па ўладальніцкіх запісах). Тэкст падзелены на 3 главы: 1) فى الاعتصام بالكتاب والسنة (л. 4b:3); 2) فى الامور المهمة فى الشريعة المحمدية (л. 17b:4); 3) فى امور يظن انها من التقوى والورع (л. 180a:17). На палях і паміж радкоў на л. 3b–13b, 14b і 80b падрабязны каментарый.
Бібліяграфія: Арабские рукописи Института востоковедения АН СССР. Ч. 1. М., 1986. № 1968–1986; Халимов, Н. Б. Каталог арабских рукописей Академии наук ТССР. Ашхабад, 1988. № 584; Арабские, персидские и турецкие рукописи в государственных хранилищах Беларуси = Арабскія, персідскія і турэцкія рукапісы ў дзяржаўных кнігазборах Беларусі : каталог / Национальная академия наук Беларуси, Центр исследований белорусской культуры, языка и литературы, Институт языкознания им. Я. Коласа, Национальная библиотека Беларуси ; [сост.: Л. И. Станкевич, М. В. Тарелко ; науч. ред.: Д. Э. Севрук, И. А. Сынкова]. Минск : Беларуская навука, 2023. № 19
Почырк: насх. Чарніла чорнае, выдзяленне бардовым чарнілам. Тэкставае поле: 14,4х6,3 см. Тэкст у рамцы з дзвюх ліній: тонкай чорнай і шырокай залатой з чорным контурам (л. 3b–4a); на астатніх старонках адналінейная бардовая рамка і такая ж рамка для каментарыя па перыметры ліста. Кустоды па-за рамкай. Фаліяцыя адсутнічае.
На л. 3b унван з фестонам (4х6,3 см): арнамент кветкава-раслінны, выкананы золатам, сіняй, светла-жоўтай і зелёна-жоўтай фарбамі, картуш, басмала.
Шматлікія прыпіскі на палях
Пераплёт усходні цвёрды, з клапанам: цёмна-карычневая казіная скура на кардоне. На вечках рамкі: нітачныя (роспіс залатой фарбай) і стужачная з узорам па тыпу шнура (цісненне золатам), медальён (сярэднік-турундж) са спадарожнікамі – гарэльефнае цісненне карычневай скуры па залатым фоне і акантоўка залатой фарбай. На згібе клапана роспіс залатой фарбай (дзве нітачныя рамкі). На ўнутраным баку вечкаў папера цёмна-ружовага колеру. Папера еўрапейская тонкая, глянцаваная, з філігранню
Рукапіс дэфектны: верхняе вечка асобна ад кніжнага блока, клапан адсутнічае, скура ўздоўж спінкі разарваная, на верхнім вечку падрапаная, залатая фарба сцерлася, на ўнутраным баку вечкаў і асобных лістах блока сляды вільгаці, пераплёт рэстаўрыраваўся. Кніжны блок распадаецца на 2 часткі, асобныя лісты выпадаюць
На ніжнім абрэзе назва твора. На л. 01а запіс алоўкам на рускай мове: “Тарикати Мухамедия или учение Мухамеда на арабском языке. Сочинение Пергули-Ефендия в 16 столетии. Рукопись. (Ахметовой библиотеки)”. На л. 3а запіс аб перадачы рукапісу ў “вакф” медрэсэ пры мячэці г. Ахалцых у 1167/1753–1754 г. і авальная пячатка з тэкстам рэлігійнай формулы. На ўнутраным баку ніжняга вечка экслібрыс Ф. І. Паскевіча
