У Рэестр уключаны рукапісны спіс другой паловы ХІХ ст. – «Записки Генерала от Артиллерии Алексея Петровича Ермолова», які захоўваецца ў фондзе Нацыянальнай бібліятэкі Беларусі.
Пры параўнанні тэксту рукапісу з друкаванымі выданнямі сярэдзіны XIX стагоддзя высветлілася, што ў аснове рукапісу мемуараў ляжаць выданні 1863 г., надрукаваныя ў Маскве і Лондане-Бруселі.
Дакладная дата напісання рукапісу адсутнічае. Можна выказаць здагадку, што яна перапісана ў перыяд з 1860 па 1863 г. Аб'ём: 112 лістоў.
Рукапіс мемуараў паступіў у бібліятэку ў 1925 г. у складзе калекцыі У. І. Камарніцкага ў колькасці 65 рукапісных кніг.
Мемуары Аляксея Пятровіча Ярмолава (1777–1861) неаднаразова выдаваліся ў ХІХ ст.